|
Kriol Kolcha Da Wi Naycha
“Kriol kolcha da wi naycha” da di reezn wai di Stan Krik branch a di Nashanal Kriol Kongsl di ga werkshap dis Satideh. Di branch waahn mek aal ih membaz shyaa weh wi noa bowt wi hischri, langwij ahn kolcha:
WAT: Kriol Kolcha Da Wi Naycha Werkshap
WEH: Di Red Cross bildin da Dangriga…ok: hoo seh Dangreega?
WEN: Dis Satideh, Febiweri 27, 2010
TAIM: 8:00 da maanin til 4 da eevnin
Bai di way…chek owt how wi wahn staat di werkshap paat bowt di raitn. Wi wahn aks: Weh unu tink da di spelin a dis dischrik: Stan Krik er Stang Krik… Big op Mis Grace, Breda David, Francis Humphreys, Miss Dymples an aal ahn evribadi fahn dis branch a di Kriol Kongsl! Waahn noa moa? Kaal Mis Grace Simpson da 623-2736 er Breda David da 502-3489. Eena Indipendans Vilij, kaal Aldus Foreman da 627-2288 er Celine Pandy da 627-9083.
Wan Wan Okro Ful Baaskit
--------------------------------------------
Article Entered on 23/02/2010
|