Febiweri (February) 2010

Bompi Fays (Pimples)

1.    Skoop di slaim owta wahn sink-ahn-baibl (aloaz) leef. Put it pahn yu fays ahn mek ih jrai. If yu hafu goh owt, den wash it aaf afta di slaim don jrai; bot di bes taim fu put it aan da nait soh ih ku werk ih majik wail yu sleep. Di jrai slaim mait eech yu lee bit bot di eechin wahn soon stap.
2. Skrosh wahn hanful a bukut leef wid wahn paint batl. Rob di slaim pahn yu fays ahn lef it fi jrai. Den, yu wash aaf yu fays wid waata.
3. Rob wahn hanful a vervain leef eena 2 kop a waata eena wahn baysn til di waata ton green. Wash yu fays wid di green waata evri day til yu fays klayr op.  
 

Stinkin toa bukut: a large tree that gets its name from the bad odour given off by its hard black pod-like fruit which looks like fat toes and can grow up to three feet in length. But the pulp in the pod has a nice sweet taste, and the leaves and pods are used in herbal medicines to treat skin disease and diabetes. It is also used as a tonic and as an aphrodisiac. Cassia grandis.